Publicado por: autocolantespoliticos | Julho 7, 2017

POLA DEFESA DO POSTO DE TRABALHO

ccoo05

O desespero da/o que perde o emprego refletido neste autocolante das CCOO de Ourense. Um exemplar de adesivo que chegou a arquivo desde vários centos de quilómetros fora da Galiza graças à doaçom de Manuel.

Publicado por: autocolantespoliticos | Maio 30, 2017

“NIN VERQUIDOS NIN NUCLEARES”

adega05

Temos de agradecer a Luís a cessom deste autocolante de ADEGA. Ao igual que outro que subiramos em 2011 utiliza umha tipografia inspirada na obra de Castelao. Cumpre destacar no desenho deste autocolante a utilizaçom do girassol, um símbolo habitual nos partidos verdes doutras naçons europeias mas pouco utilizado no ecologismo galego.

Publicado por: autocolantespoliticos | Abril 27, 2017

TEIS

acpg03

Loita conosco pra ceibar os presos políticos de Teis é a palavra de ordem deste autocolante editado pela Assembleia pro Amnistia de Teis. Numa entrada anterior advertiramos da existência de comités ou assembleias pola amnistia em distintos bairros de Vigo, germolos da “Asamblea pra Ceibar os Presos Políticos Galegos” (ACPG).

https://autocolantespoliticos.wordpress.com/2013/12/20/amnistia/

Este autocolante provavelmente foi editado nos meados do ano 1979, entre a detençom de Alonso Riveiro em Março de 1979 e a fugida de Abelardo Collazo do cárcere em finais desse ano.

Devo de agradecer a M. Anxo a cessom deste autocolante.

Publicado por: autocolantespoliticos | Abril 5, 2017

A TERRA É NOSSA

ccll03Na década de setenta a vizinhança de A Capela mobilizou-se contra a expropriaçom das suas terras para a extraçom de lignito pardo por parte de ENDESA. Ao igual que noutras mobilizaçons nas que o nacionalismo jogou um importante papel A terra é nosa forom as palavras de ordem que se ouvírom.

Publicado por: autocolantespoliticos | Março 13, 2017

ESCOLA DE VERAO DA CSUT

Um desenho infantil para este autocolante do I encontro pedagógico organizada pola CSUT. Unha pedagoxia nova pra democracia foi o lema escolhido polo sindicato para esta ocasiom.

Publicado por: autocolantespoliticos | Novembro 26, 2016

SEGUIMOS O TEU EXEMPLO

Vem de finar Fidel Castro, carismático líder da Revoluçom cubana e defensor infatigável da soberania dos povos frente ao imperialismo. Este autocolante dos CMC recorre à iconónica imagem do Che, o companheiro de Fidel Castro no Movimento 26 de Julho, no Granma, na guerrilha cubana e nos primeiros anos do governo revolucionário.

Publicado por: autocolantespoliticos | Outubro 12, 2016

500 ANOS DE MORTES

A Mocidade Galega Revolucionaria editou este autocolante para denunciar a conquista de América no 500 aniversário do seu começo. Foi um dos últimos autocolantes desta organizaçom juvenil vinculada ao MCG.

Publicado por: autocolantespoliticos | Setembro 14, 2016

Os povos da Europa contra as políticas da UE

Hoje, 14 de Setembro, vai-se inaugurar no Mádia Leva! a exposiçom de autocolantes Os povos da Europa contra as políticas da UE. A exposiçom organizada por Erguer  pretende trazer a lume a luta do povo galego e doutros povos europeus contra as políticas da UE.

A exposiçom recolhe autocolantes que mostram algumhas das vozes de rebeldia que se erguérom nas últimas décadas contra as políticas da UE. Procedem de Dinamarca, de Irlanda, de Grécia, de Italia, do Reino, de Catalunha, de Euskal Herria,… e como nom, da Galiza. Trata-se de oito paneis com umha mostra, modesta se a comparamos com os inúmeros autocolantes que se editárom em toda Europa ou inclusive na própria Galiza contra as políticas da UE. 

expocolantes

Publicado por: autocolantespoliticos | Julho 17, 2016

“LA GALLEGA” EM TENERIFE

guaguas

Os autocolantes também som umha evidência da passada emigraçom galega, neste caso às Canarias.

Som miles as moças galegas e os moços galegos que nos últimos anos se vírom emigrados a emigrar cara às Canarias. Sem embargo, o nome do bairro tinerfenho de La Gallega nom se deve a esta emigraçom mais recente senom à origem da antiga dona das terras nas que se assenta este bairro.

Precisamente a vizinhança deste bairro e do distrito sudoeste de Sta. Cruz de Tenerife venhem mobilizando-se desde há meses para defender o serviço público de guaguas opondo-se aos recortes nas linhas de ónibus, ao impacto e ao custo que teria a ampliaçom da linha do tranvia. Esta mobilizaçons venhem contando com o apoio do Comité de Empresa de TITSA (Transportes Interurbanos de Tenerife) no que é maioritária a Intersindical Canaria.

Publicado por: autocolantespoliticos | Maio 28, 2016

ESCOLAS DE NÁUTICA EM LUTA

nautica

Mais umha vez a bandeira galega como símbolo de unidade na luta que une as escolas de náutica e os marinhos mercantes.

Desconhecemos a data deste autocolante com origem na Escola de Náutica da Corunha, mas provavelmente date de finais de 1978 ou começos de 1979, quando as mobilizaçons nas escolas oficiais de náutica coincidem no tempo com as mobilizaçons dos marinhos mercantes lideradas polo SLMM.

Older Posts »

Categorias